ഏകദേശം അര നൂറ്റാണ്ട് കാലമായി പ്രചാരത്തിലുള്ള ഒരു ചികിത്സാ മാധ്യമമാണ് ഡയാലിസിസ്. മനുഷ്യ ശരീരത്തില് വൃക്കയുടെ പ്രവര്ത്തനം തകരാറിലാകുകയോ പ്രവര്ത്തനക്ഷമമല്ലാതാകുകയോ ചെയ്യുമ്പോഴാണ് ഡയാലിസിസ് പരീക്ഷിക്കുന്നത്. വിശങ്ങളെ അരിച്ചെടുക്കുന്ന പ്രവൃത്തിയാണല്ലോ വൃക്കകള് പ്രധാനമായും ചെയ്യുന്നത്. വൃക്കകളുടെ ഈ പ്രവര്ത്തനം യന്ത്രത്തെക്കൊണ്ട് ചെയ്യിക്കുന്ന രീതിയാണ് ഡയാലിസിസ് എന്നു പറയാം.
രോഗിയുടെ ധമനീ രക്തം ഒരു കുഴല് വഴി യന്ത്രത്തില് എത്തിക്കുന്നു. അത് സെലോഫന് കൊണ്ടുള്ള ഒരു ട്യൂബിലൂടെ ഒഴുകുന്നു. ഈ ട്യൂബ് ഒരു ദ്രാവകത്തില് മുങ്ങിക്കിടക്കുന്നു. പ്രസ്തുത ട്യൂബില് വളരെ ചെറിയ സുഷിരങ്ങളിലൂടെ രക്തത്തിലെ വിശവസ്തുക്കള് ദ്രാവകത്തിലേക്ക് അരിച്ചിറങ്ങിക്കൊള്ളും. അങ്ങനെ രക്തം ശുദ്ധിയാകും. ശുദ്ധീകരിച്ച രക്തം തിരികെ രോഗിയുടെ സിരകളിലേക്ക് ഒഴുകുന്നു. ഈ പ്രക്രിയയാണ് ഡയാലിസിസ്. രക്തത്തില് യൂറിയ വര്ദ്ധിക്കുന്ന അവസ്ഥക്കാണ് യുറേമിയ എന്നു പറയുന്നത്.
രോഗത്തിന്റെ കാഠിന്യമനുസരിച്ച് ആഴ്ചയില് രണ്ടോ മൂന്നോ തവണ ഡയാലിസിസ് ചെയ്യേണ്ടി വന്നേക്കാം.
1950 ലാണ് ആദ്യത്തെ വൃക്ക മാറ്റിവെക്കല് ശസ്ത്രക്രിയ നടന്നത്.
ഉയര്ന്ന രക്തസമ്മര്ദവും പ്രമേഹവും വൃക്കകളെ തകരാറിലാക്കുന്നു.
മൂത്രത്തില് 97 ശതമാനം ജലവും ബാക്കി ഭാഗം യൂറിയ, ലവണങ്ങള് എന്നിവയുമാണ്.
ഓരോ വൃക്കയിലും 12 ലക്ഷത്തിലധികം നെഫ്രോണുകളുണ്ടത്രെ.
പയര് മണിയുടെ ആകൃതിയിലുള്ള വൃക്കക്ക് 11 സെ.മീ. നീളവും 6 സെ.മീ. വീതിയും 4 സെ.മീ. കനവും ഏതാണ്ട് 140 ഗ്രാം ഭാരവുമുണ്ട്.
RELATED ARTICLE