ബേങ്ക്, പലിശ, കൂടുതല്‍ സംശയങ്ങള്‍

ചോ: ബേങ്കും ഇന്‍ഷൂറന്‍സും നടത്തുന്നത് ഇസ്ലാമിന്റെ ശത്രുക്കളാണെങ്കില്‍ നിക്ഷേപിച്ചതിലധികം സംഖ്യ വാങ്ങാമോ?

ഉ: അവരോട് കൂടുതല്‍ വാങ്ങുന്നതിനെക്കുറിച്ചു പണ്ഢിതന്മാര്‍ക്കിടയില്‍ ഭിന്നാഭിപ്രായമുണ്ട്. ശാഫിഈ, ഹമ്പലി, മാലികി മദ്ഹബുകളില്‍ ഹറാം തന്നെയാണ്. ഹനഫീ മദ്ഹബില്‍ അനുവദനീയമാണ്. എന്ന് ഇമാംനവവി(റ) പറഞ്ഞിട്ടുണ്ട്. ശറഹുല്‍ മുഹദ്ദബ് (9/392), ശറഹുസ്സിയരില്‍ കബീര്‍ (3/112).


ചോ: ഇന്ന് ബേങ്കില്‍ നിന്ന് ലഭിക്കുന്ന ആദായവും ഇന്‍ഷൂറന്‍സില്‍ നിന്ന് ലഭിക്കുന്ന ബോണസും പലിശയാണോ?

ഉ: പലിശയാണ്. എന്നാല്‍ വ്യവസായം കൊണ്ടോ ലാഭക്കൂറ് കച്ചവടം കൊണ്ടോ ലഭിച്ച ലാഭവിഹിതം പലിശയില്‍ പെടുന്നതല്ല.


ചോ: ബേങ്ക് കൊണ്ടും ഇന്‍ഷൂറന്‍സ് കൊണ്ടും ജനോപകാരപ്രദമായ പല നേട്ടങ്ങളു മുണ്ടല്ലോ. ഈ നേട്ടങ്ങള്‍ കണക്കിലെടുത്ത് ഇവ അനുവദിച്ചുകൂടേ?

ഉ: പറ്റില്ല. ഈ നേട്ടങ്ങള്‍ പലിശരഹിത ബേങ്കിലൂടെയും പലിശയും ചൂതാട്ടവും ഇല്ലാത്ത ഇന്‍ഷൂറന്‍സിലൂടെയും നേടിയെടുക്കാവുന്നതാണ്. പക്ഷേ, ഇതിന് ഗവണ്‍മെന്റ് തന്നെ മുന്‍കയ്യെടുക്കേണ്ടതാണ്. മാത്രവുമല്ല, ഇതുമൂലം ചൂഷണം ഒഴിവാക്കാവുന്നതുമാണ്.


ചോ: ഇന്ന് ബേങ്കില്‍ നിന്ന് ലഭിക്കുന്ന ആദായവും ഇന്‍ഷൂറന്‍സില്‍ നിന്ന് ലഭിക്കുന്ന ബോണസും പലിശയാണോ?

ഉ: പലിശയാണ്. എന്നാല്‍ വ്യവസായം കൊണ്ടോ ലാഭക്കൂറ് കച്ചവടം കൊണ്ടോ ലഭിച്ച ലാഭവിഹിതം പലിശയില്‍ പെടുന്നതല്ല.


ചോ: ബേങ്ക് കൊണ്ടും ഇന്‍ഷൂറന്‍സ് കൊണ്ടും ജനോപകാരപ്രദമായ പല നേട്ടങ്ങളുമുണ്ടല്ലോ. ഈ നേട്ടങ്ങള്‍ കണക്കിലെടുത്ത് ഇവ അനുവദിച്ചുകൂടേ?

ഉ: പറ്റില്ല. ഈ നേട്ടങ്ങള്‍ പലിശരഹിത ബേങ്കിലൂടെയും പലിശയും ചൂതാട്ടവും ഇല്ലാത്ത ഇന്‍ഷൂറന്‍സിലൂടെയും നേടിയെടുക്കാവുന്നതാണ്. പക്ഷേ, ഇതിന് ഗവണ്‍മെന്റ് തന്നെ മുന്‍കയ്യെടുക്കേണ്ടതാണ്. മാത്രവുമല്ല, ഇതുമൂലം ചൂഷണം ഒഴിവാക്കാവുന്നതുമാണ്.


ചോ: ബേങ്കില്‍ നിന്ന് ലഭിക്കുന്ന പലിശ ബേങ്ക് സംഭാവനയായി ഗണിക്കാമോ?

ഉ: ഗണിച്ചുകൂടാ. കാരണം കോടതിയ സമീപിച്ച് നിര്‍ബന്ധപൂര്‍വം വാങ്ങാവുന്ന അവകാശമാണ് ഈ പലിശ. എന്നിരിക്കെ അത് സംഭാവനയായി സങ്കല്‍പ്പിക്കുന്നതില്‍ ഒരര്‍ ഥവുമില്ല.


ചോ: വല്ലവിധത്തിലും പലിശ വാങ്ങിേവന്നാല്‍ ആ പണം അമുസ്ലിംകള്‍ക്ക് കൊടുക്കുകയോ പലിശ വേണ്ടെന്നു വെക്കുകയോ എന്താണ് ചെയ്യേണ്ടത്?

ഉത്തരം: ഒരുനിലക്കും പലിശവാങ്ങാനോ ആര്‍ക്കെങ്കിലും കൊടുക്കാനോ പാടില്ല. (ഫത്ഹുല്‍മുഈന്‍ 53) പലിശയടക്കാന്‍ കഴിയാത്ത പാവങ്ങള്‍ക്ക് അവരുടെ പലിശയടക്കാന്‍ കൊടുക്കാമെന്ന് ചിലര്‍ അഭിപ്രായപ്പെട്ടിട്ടുണ്ട്.


ചോ: ഒരു പുസ്തകശാലയുടെ പരസ്യമാണ് ഈ ചോദ്യത്തിനാസ്പദം. പുസ്തകശാലയുടെ വി.ഐ.പി. ബുക് ക്ളബ് പദ്ധതിയനുസരിച്ച് ആദ്യം ആയിരം രൂപ അടക്കണം. ഈ സംഖ്യ നാല് വര്‍ഷം കഴിഞ്ഞാല്‍ പൂര്‍ണമായും തിരിച്ചുകിട്ടും. ഇതിനിടക്ക് ആയിരത്തിലധികം രൂപയുടെ പുസ്തകങ്ങള്‍ സൌജന്യമായി ലഭിക്കുന്നു. ആദായകരമായ ഈ പദ്ധതി പലിശയുടെ ഇനത്തില്‍പെടുമോ?

ഉത്തരം: ആയിരം രൂപ കച്ചവടത്തിനിറക്കി അതിന്റെ ലാഭത്തില്‍ പുസ്തകം തരികയാണെങ്കില്‍ അത് പലിശയല്ല. ഇവിടെ പണം കൊടുക്കുമ്പോള്‍ തന്നെ ആയിരത്തിലധികം രൂപയുടെ പുസ്തകം തരുമെന്ന് നിശ്ചയിച്ചിരിക്കുന്നു. അവസാനം തിരിച്ചുതരികയും ചെയ്യുന്നു. രണ്ടും കിട്ടല്‍ നിര്‍ബന്ധമാകുന്നു. അങ്ങനെയാണല്ലോ വ്യവസ്ഥ. കടം കൊടുത്തതിനു പകരമായി നിര്‍ബന്ധ പ്രതിഫലം നല്കുന്നതും സ്വീകരിക്കുന്നതും പലിശയാണ്. ഈ പദ്ധതി പലിശയുടെ ഇനത്തില്‍ പെടുന്നു.


ചോ: ബേങ്ക് നല്‍കുന്ന പലിശ വാങ്ങി സ്വയം ഉപയോഗിക്കാതെ മറ്റു വ്യക്തികള്‍ക്കോ സ്ഥാപനങ്ങള്‍ക്കോ പ്രതിഫലം മോഹിക്കാതെ സംഭാവന നല്‍കാമോ?

ഉ: പലിശ വാങ്ങി സംഭാവന നല്‍കാന്‍ ഇസ്ലാം കല്‍പ്പിച്ചിട്ടില്ല. അതുമൂലം പലിശയിടപാട് നടത്തിയ കുറ്റം ഒഴിവാകുന്നതുമല്ല.

ചോ: പലിശയില്‍ നിന്നു കിട്ടുന്ന പണം സകാത്, സ്വദഖ, ധര്‍മസ്ഥാപനങ്ങള്‍ തുടങ്ങിയവക്ക് ഉപയോഗിക്കാമോ? കൊടുത്താല്‍ പ്രതിഫലം കിട്ടുമോ?

ഉത്തരം: ഉപയോഗിക്കാന്‍ പാടുള്ളതല്ല. കൊടുത്താല്‍ പ്രതിഫലം കിട്ടുകയുമില്ല. ‘അ ല്ലാഹു പരിശുദ്ധനാണ്. പരിശുദ്ധമായതല്ലാതെ അവര്‍ സ്വീകരിക്കുകയില്ല.’ എന്ന നബിവചനം സ്മരണീയമാണ്. പരിശമുതല്‍ നിഷിദ്ധമാണെന്നതില്‍ സംശയമില്ല. അന്യന്റെ അവകാശമാണത്. തനിക്കവകാശപ്പെട്ടതല്ലാതെ മറ്റുള്ളവര്‍ക്ക് നല്‍കാനും പാടില്ല.


ചോ: ബേങ്കില്‍ നിന്നു കിട്ടാനുള്ള പലിശ വാങ്ങി അതുപയോഗിച്ച് റോഡ് വെട്ടല്‍, വഴി നന്നാക്കല്‍ തുടങ്ങിയ മരാമത്ത് പണികള്‍ ചെയ്യുന്നത് അനുവദനീയമാണോ?

ഉത്തരം: പലിശ വാങ്ങി മരാമത്ത് പണികള്‍ എടുക്കാന്‍ ഇസ്ലാം കല്‍പ്പിച്ചിട്ടില്ല. പലിശ തിന്നുന്നവനെയും തീറ്റിക്കുന്നവനെയും എഴുതുന്നവരെയും നബി(സ്വ) ശപിച്ചതായി ഹദീസില്‍ വന്നിരിക്കുന്നു.


ചോ: ബേങ്കിലോ ഇന്‍ഷൂറന്‍സിലോ നിക്ഷേപിച്ച പണം പലിശ ഒഴിവാക്കി തിരിച്ചുവാങ്ങുന്നതില്‍ വിരോധമുണ്ടോ?

ഉ: വിരോധമില്ല. എങ്കിലും പലിശസ്ഥാപനവുമായി ബന്ധപ്പെടുകയും പലിശയെ സഹായിക്കുകയും ചെയ്ത കുറ്റം ഒഴിവാകുകയില്ല.


ചോ: ഗവണ്‍മെന്റ് സ്വത്തില്‍ പൊതുജനങ്ങള്‍ക്കും അവകാശമുണ്ടെന്ന അടിസ്ഥാനത്തില്‍ ഗവണ്‍മെന്റ് നടത്തുന്ന ബേങ്കില്‍ നിന്നും ഇന്‍ഷൂറന്‍സില്‍ നിന്നും പലിശ വാങ്ങാമോ? സ്വകാര്യസ്ഥാപനങ്ങളുടെ വിധി തന്നെയാണോ ഇതിനുള്ളത്?

ഉ: വാങ്ങാന്‍ പറ്റില്ല. പൊതുജനങ്ങള്‍ക്ക് അവകാശമുണ്ടെന്ന കാരണത്താല്‍ പലിശ അ നുവദനീയമാകുന്നില്ല. പക്ഷേ, തന്നില്‍ നിന്ന് ഈ സ്ഥാപനങ്ങള്‍ പലിശയായിട്ടോ നികുതിയായിട്ടോ ശറഅ് അനുവദിക്കാത്ത മറ്റു മാര്‍ഗത്തിലോ ധനം വസൂലാക്കിയിട്ടുണ്ടെങ്കില്‍ അത് ഒരുവിധത്തിലും തിരിച്ചുകിട്ടാതിരിക്കുമ്പോള്‍ തനിക്കുകിട്ടാനുള്ള ആ നിശ് ചിത വിഹിതം മാത്രം വാങ്ങാമെന്ന് പാക്കിസ്ഥാന്‍ ചീഫ് മുഫ്തി മൌലാനാ മുഹമ്മദ് ശഫീഅ് അഭിപ്രായപ്പെട്ടിട്ടുണ്ട്.


RELATED ARTICLE

  • ബേങ്ക്, പലിശ, കൂടുതല്‍ സംശയങ്ങള്‍
  • ഗള്‍ഫില്‍ നിന്ന് പണം ചവിട്ടല്‍
  • പലിശയുടെ വിവിധ ഇനങ്ങള്‍
  • പലിശ മറ്റുമതങ്ങളില്‍
  • ഇസ്ലാമിക ബേങ്കിംഗ്
  • ബേങ്ക് പലിശ
  • ബേങ്ക് പലിശ അനുവദനീയമോ??
  • ബേങ്ക് എന്നാലെന്ത്?