സായൂജ്യം സ്വലാത്തിലൂടെ

ത്മീയ ഉന്നതിക്ക് ഉതകുന്ന മഹത്തായ അനുഷ്ഠാനമാകുന്നു സ്വലാത്. മറ്റു അദ്കാറു കളെ പോലെ പ്രധാന്യമര്‍ഹിക്കുന്നതും ഒരുവേള അതിലേറെ ഫലപ്രദവുമാണു സ്വലാ ത്ത്. ഇതുസംബന്ധമായ ചര്‍ച്ചകള്‍ വിശുദ്ധഖുര്‍ആനിലും തിരുസുന്നത്തിലും നിറഞ്ഞു കിടക്കുന്നുണ്ട്

പ്രവാചക സ്നേഹത്തിന്റെ മഹത്തായ പ്രകടനമാണു സ്വലാത്ത്. പ്രവാചകസ്നേഹം മറ്റെല്ലാറ്റിനെക്കാളും പരമമാകാത്തിടത്ത് ഈമാന്‍ പൂര്‍ണമാകില്ലെന്നാണല്ലോ ഇസ്ലാമിക തത്വം. പരലോകത്ത് എന്നോടു കൂടുതല്‍ അടുത്തവന്‍ എന്റെ മേല്‍ സ്വലാത്ത് വര്‍ധിപ്പിച്ചവനാണെന്ന നബിവചനം ശ്രദ്ധേയമാണ്. സ്വലാത്തിന്റെ മഹാത്മ്യത്തെപ്പറ്റി സ്വത ന്ത്രമായ രചനകള്‍ കണ്ടെത്തി വായിക്കാന്‍ മാന്യവായനക്കാര്‍ സമയം കണ്ടെത്തണം.

തസ്വവ്വുഫും സ്വലാത്തും തമ്മില്‍ ബന്ധമുണ്ട്. ഇമാം ഗസ്സാലി(റ)നെ പോലെയുള്ള മഹാ ന്മാര്‍ ഇക്കാര്യം വ്യക്തമാക്കുന്നുണ്ട്. ത്വരീഖത് ഉയര്‍ത്തിപിടിക്കുന്ന മഹത്തായ ലക്ഷ്യ മാണല്ലോ ആത്മ സംസ്കരണം. സ്വലാത്തും ഇതു ലക്ഷ്യമാക്കുന്നു. ഇമാം ഇസ്മാഈ ലുല്‍ ഹിഖി(റ) പറയുന്നതു കാണുക: “തീറ്റ, കുടി തുടങ്ങിയ ആസക്തികളിലും, ദുസ്വഭാവം, ദുര്‍നടപ്പ് തുടങ്ങിയ ദൂഷ്യങ്ങളിലും ആകര്‍ഷിക്കപ്പെടുന്നതാണു മനുഷ്യ പ്രകൃതം. ഈ മനുഷ്യനെ സംസ്കരിക്കേണ്ടത് അല്ലാഹുവാണ്. അല്ലാഹു പരമ പരിശു ദ്ധനാകയാല്‍ അവനോടു നേരിട്ടു ബന്ധം പുലര്‍ത്താന്‍ ഒരുങ്ങണമെന്നില്ല. സംസ്കരണ ദൌത്യം മറ്റൊരു മാധ്യമം വഴിയേ വന്നെത്തൂ. ആ മാധ്യമമത്രേ തിരുനബി(സ്വ)യുടെ സാനിധ്യം” (റൂഹുല്‍ ബയാന്‍: 7/226, 227).

തിരുനബി(സ്വ)യുടെ ഇടപെടലാണു മനുഷ്യനില്‍ സംസ്കരണത്തിന്റെ സന്ദേശമെത്തിക്കു ന്നതെന്നാണ് ഇപ്പറഞ്ഞതിന്റെ പൊരുള്‍. അതു ലഭ്യമാകാന്‍ ആഗ്രഹിക്കുന്നവന്‍ നബി(സ്വ)യുമായി ബന്ധം സ്ഥാപിക്കുക തന്നെ വേണം. ഏതൊരു സാധാരണക്കാരനും ഇതു സാധ്യമാകണം. ഇതിനുള്ള പോംവഴിയാണ് സ്വലാത്ത്. അതു പതിവാക്കുന്നവനി ല്‍ ആത്മീയ മാറ്റങ്ങള്‍ പ്രകടമാകും. ഒരുവേള അവന്‍ ആത്മീയഗുരുവിനെ സ്വന്തമാ ക്കിയ സ്ഥാനത്താകുന്നതാണ്. അല്ലാമാ മുഹമ്മദ് ബിന്‍ ഹബീബില്ലാ(റ) ഉദ്ധരിക്കുന്നതു കാണുക: “ഇക്കാലത്തെ സ്വൂഫിവേഷധാരികളില്‍ ചെന്നുചാടുന്നതിനെതിരെ സത്യസന്ധന്മാരായ ഉപദേഷ്ടാക്കള്‍ മുന്നറിയിപ്പു നല്‍കിയിട്ടുണ്ട്. അല്ലാഹുവിന്റെ പക്കല്‍ നിന്നു സത്യം തുറന്നു കിട്ടണമെന്ന മനസ്സോടെ കിതാബ്-സുന്നത്ത് മുറുകെ പിടിക്കാനാണ് ഇവര്‍ പ്രേരിപ്പിക്കുന്നത്. അതുപോലെ, നബി(സ്വ)യുടെ പേരില്‍ സ്വലാത്ത് വര്‍ധിപ്പിച്ചാല്‍ ഒരു മുറബ്ബിയായ ശയ്ഖിന്റെ ആവശ്യമില്ലെന്നും പ്രഖ്യാപിക്കുന്നു. മുറബ്ബിയായ ശയ്ഖിനെ എത്തിക്കപ്പെടാതെ വരുമ്പോള്‍ ആ സ്ഥാനത്ത് സ്വലാത്ത് ഫലം ചെയ്യുന്നതാണ് ” (സാദ്മുസ്ലിം: 2/384, 385, അഖ്റബുത്ത്വുറുഖി ഇലല്‍ഹഖ്: 7).

ഇമാം അബുല്‍അബ്ബാസ് അല്‍ഹള്വ്റമി(റ) പറയുന്നു: “നീ ദിക്ര്‍ പതിവാക്കുക. അതു പോലെ തിരുനബി(സ്വ)യുടെ പേരില്‍ സ്വലാതിനെ പെരുപ്പിക്കുകയും ചെയ്യുക. ശയ്ഖ് മുര്‍ശിദിനെ കിട്ടാതെ വരുന്ന സന്ദര്‍ഭത്തില്‍ ആത്മീയ ആരോഹണത്തിനും അല്ലാഹു വില്‍ ചെന്നെത്താനും ഫലവത്തായ ഒന്നാകുന്നു സ്വലാത്ത്” (ഖവാഇദുത്തസ്വവ്വുഫ്: 69).

അഹ്മദ് അത്തീജാനി(റ) എഴുതുന്നതു കാണുക: “ഇക്കാലത്ത് ഒരു ശയ്ഖിനെ കണ്ടെ ത്താന്‍ ഇറങ്ങിത്തിരിക്കുകയും വ്യാജവാദികളില്‍ അകപ്പെടുമെന്നു പേടിക്കുകയും ചെയ്താല്‍ സത്യസന്ധമായ സുദൃഢത, സദാസമയ ഭക്ത മനസ്കത, അങ്ങേ അറ്റത്തെ കേണപേക്ഷ തുടങ്ങിയവ കൊണ്ട് അല്ലാഹുവിലേക്കു മുന്നിട്ടുകൊണ്ടു ശ്രമം തുടരണം. എന്നിട്ടും യോഗ്യനായ ശയ്ഖിനെ കണ്ടെത്താനായില്ലെങ്കില്‍ അദബും മനസ്സാനിധ്യവും പുലര്‍ത്തി കഴിയുന്നത്ര സ്വലാത്ത് ചൊല്ലണം. താന്‍ തിരുനബിക്കു മുമ്പിലാണെന്ന ഭാവത്തില്‍ സ്വലാത്ത് വര്‍ധിപ്പിച്ചാല്‍ മൂന്നാലൊരു വിധത്തില്‍ അവന് ആത്മീയ ഉന്നതി പ്രാപിക്കാം. ഒന്നുകില്‍ ഒരു ശയ്ഖിനെ ആല്ലാഹു നല്‍കും. അല്ലെങ്കില്‍ തിരുനബി തന്നെ നേരിട്ടു തര്‍ബിയത് നടത്തും. അതുമല്ലെങ്കില്‍ അല്ലാഹു അവനു നേരിട്ടു മോക്ഷ ത്തിന്റെ വാതില്‍ തുറന്നു കൊടുക്കും” (ജവാഹിറുല്‍മആനി: 1/138, മസാലികുല്‍ ഹുനഫാ: 428).

ഒരു ശയ്ഖിന്റെ സ്ഥാനം വഹിക്കാന്‍ മാത്രം മഹത്തായതാണു സ്വലാത്ത്. സ്വലാത്തിലൂ ടെ മാത്രം മഅ്രിഫതിന്റെ കവാടങ്ങള്‍ കടന്ന മഹാന്മാരുണ്ടെന്നതണു ചരിത്രം. സാധാ രണക്കാരന് ഇക്കാലത്തു  ഫലപ്രദമായ മാര്‍ഗമാണു സ്വലാത്ത്. കള്ളച്ചരക്കുകളുടെ വ്യാപനത്താല്‍ നെല്ലും പതിരും വേര്‍തിരിച്ചറിയാനാകാത്തവര്‍ സ്വലാത്തിനെ ആശ്രയിച്ചാല്‍ വഴിതെറ്റാനുള്ള സാധ്യത അടഞ്ഞുകിട്ടും.


RELATED ARTICLE

  • അത്യുന്നതര്‍ അവര്‍ തന്നെ
  • കറാമതിന്റെ കരുത്ത്
  • വലിയ്യിന്റെ വഴി
  • സായൂജ്യം സ്വലാത്തിലൂടെ
  • ദിക്റിന്റെ വഴി
  • ഇല്‍ഹാമിന്റെ ഇതിവൃത്തം
  • സംഘട്ടനം വ്യാജകഥ
  • ഫിഖ്ഹും ഫിസ്ഖും
  • വിമര്‍ശനത്തിന്റെ അപകടം
  • ത്വരീഖതില്ലാത്ത ശരീഅത്ത്
  • മജ്ദൂബും ത്വരീഖതും
  • ത്വരീഖതും സാധാരണക്കാരും
  • വ്യാജന്മാരുടെ വൈകൃതങ്ങള്‍
  • ത്വരീഖതും വ്യാജന്മാരും
  • മുരീദും ത്വരീഖതും
  • ശയ്ഖും ത്വരീഖതും
  • തര്‍ബിയതും ത്വരീഖതും
  • അറിവുകള്‍, അനുഭവങ്ങള്‍
  • ത്വരീഖതും ശരീഅതും
  • വൈവിധ്യം: ത്വരീഖതുകളില്‍
  • വൈവിധ്യം: ത്വരീഖതുകളില്‍
  • ചരിത്ര പുരുഷന്മാര്‍
  • ത്വരീഖത്: ഉല്‍ഭവവും വളര്‍ച്ചയും
  • ത്വരീഖത്: പ്രമാണങ്ങളില്‍
  • ത്വരീഖത്