ഉത്തരം: ഫതാവയില് ഈ പരാമര്ശമുണ്ടെന്നത് ശരിതന്നെ. ഫതാവയുടെ വാക്കുകള് കാണുക: “ശറഹുല് മുഹദ്ദബില് ഇമാം നവവി(റ) പറഞ്ഞത് കൊണ്ട് വരുന്നത് തക്ബീറതുല് ഇഹ്റാമിന് ശേഷം വെക്കുന്നതുപോലെ തന്നെ ഇഅ്തിദാലിലും ഇരുകരങ്ങളും വെക്കണമെന്നാണ്. നമ്മുടെ ശറഹുല് ഇര്ശാദിലും മറ്റും ഈ അഭിപ്രായത്തിലൂടെയാണ് നാം പോയിട്ടുള്ളത്” (അല് ഫതാവല് കുബ്റാ – 1/139).
എന്നാല് ഫതാവയില് തന്നെ മറ്റൊരിടത്ത് പറയുന്നത് കാണുക: “ഇഅ്തിദാലില് ഇരുകരങ്ങളും താഴ്ത്തിയിടണമെന്നും നെഞ്ചിന് താഴെ വെക്കരുതെന്നുമാണ് പ്രബലം. നിര് ത്തത്തില് ഇരു കരങ്ങളും നെഞ്ചിന് താഴെ വെക്കണമെന്ന ഉപാധികൂടാതെയുള്ള ഫുഖഹാഇന്റെ പരാമര്ശം ഇതിന് എതിര് ഊഹിപ്പിക്കുന്നുവെങ്കിലും അവരുടെ വാക്കിന്റെ ബാഹ്യം എന്നല്ല, അത് വ്യക്തമായി കുറിക്കുന്നത് തന്നെ ഇരു കരങ്ങളെയും നെഞ്ചിന് താഴെ വെക്കരുതെന്നാണ്” (അല് ഫതാവല് കുബ്റാ – 1/150).
ഇതുതന്നെയാണ് തുഹ്ഫയിലുമുള്ളത്. തുഹ്ഫയുടെ വാക്കുകള് കാണുക: “ഇഫ്തിതാഹിന്റെ ദുആഇലും അത്തഹിയ്യാത്തിലും ഇരുകരങ്ങള്ക്കും പ്രത്യേകമായ ചടങ്ങുകളുണ്ട്. (ഇഫ്തിതാഹിന്റെ ദുആയില് അവ നെഞ്ചിന് താഴെ വെക്കലും അത്തഹിയ്യാത്തില് അവ രണ്ട് കാല്മുട്ടുകളോടടുപ്പിച്ച് വെക്കലുമാണത്) ഇങ്ങനെയുള്ളൊരു ചട്ടം ഇഅ്തിദാലിലില്ല. അപ്പോള് നിര്ത്തത്തിലെ പോലെതന്നെ ഇഅ്തിദാലിലും നെഞ്ചിന് താഴെ വെക്കലാണ് സുന്നത്തെന്ന അഭിപ്രായം തള്ളപ്പെട്ടതാണെന്ന് ഉപര്യുക്ത വിശദീകരണത്തില് നിന്ന് വ്യക്തമായി” (തുഹ്ഫ – 2/66,67).
RELATED ARTICLE