ചോദ്യം:
ജമല് യുദ്ധത്തില് മഹതിയായ ആഇശ(റ) ഇരു സൈന്യത്തോടും പ്രസംഗിച്ചതായി ഒരു ചരിത്രത്തില് കണ്ടു. ഈ അടിസ്ഥാനത്തില് മുസ്ലിം സ്ത്രീകള്ക്ക് പ്രസംഗത്തിനും മറ്റു ദീനീ പ്രചാരണത്തിനും ഇറങ്ങിക്കൂടേ?
ഉത്തരം:
ഇറങ്ങിക്കൂടാ. മഹതി ആഇശ(റ)യുടെ ചരിത്രത്തില് സ്ത്രീകളെ എഴുന്നള്ളിക്കുന്നവര്ക്ക് ഒരു തെളിവുമില്ല. ഇമാം ഖുര്തുബി(റ) പറയുന്നു: “ബഹു. സഅ്ലബ(റ) യും മറ്റും നിവേദനം ചെയ്യുന്നു. നിങ്ങള് നിങ്ങളുടെ വീടിന്റെ ഉള്ളില് അടങ്ങിയൊതുങ്ങിയിരിക്കുക എന്ന ആശയം വരുന്ന സൂറഃ അഹ്സാബിലെ സൂക്തം ആഇശ(റ) ഓതുമ്പോള് തന്റെ മുഖമക്കന നനയും വിധം കരയാറുണ്ടായിരുന്നു. ബഹു. ഇബ്നുഅത്വിയ്യ(റ) പറയുന്നു. ജമല് യുദ്ധവേളയില് വീട്ടില് നിന്നിറങ്ങി യാത്ര ചെയ്ത ആലോചനയായിരുന്നു ഈ സൂക്തമോതുമ്പോള് കരയാനുള്ള കാരണം. അതുകൊണ്ടാണ് ബഹു. അമ്മാര്(റ) അവരോടിങ്ങനെ പറഞ്ഞത്. “നിശ്ചയം വീട്ടില് അടങ്ങിയൊതുങ്ങി ഇരിക്കാനായിരുന്നില്ലെ അല്ലാഹു നിങ്ങളോട് നിര്ദ്ദേശിച്ചത്. ഖുര്ആനിന്റെ ഖണ്ഢിതമായ പ്രസ്താവനക്ക് വിരുദ്ധം ചെയ്യുക പോലെയുള്ള അനീതി ആഇശ(റ) ചെയ്തുവെന്ന് റാഫിളിയ്യാക്കള് ഈ സംഭവം ആയുധമാക്കി ഉല്ഘോഷിക്കാറുണ്ട്. എന്നാല് യഥാര്ഥത്തില് ആഇശ(റ) ഇതില് കുറ്റക്കാരിയല്ല. കാരണം വീട്ടില് അടങ്ങിയൊതുങ്ങിയിരിക്കാന് അല്ലാഹു കല്പ്പിച്ച പോലെ മുസ്ലിംകളില് രണ്ട് വിഭാഗത്തിനിടയില് കുഴപ്പമുണ്ടായാല് അത് മസ്്വലഹത്താക്കാനും അല്ലാഹു കല്പ്പിച്ചിട്ടുണ്ട്. ഈ ശാസനയില് സ്ത്രീ പുരുഷ വ്യത്യാസമില്ല. ജമല് യുദ്ധത്തില് കുഴപ്പം വര്ധിച്ചപ്പോള് ജനങ്ങളില് നെല്ലാരു വിഭാഗം കുഴപ്പശമനത്തിന് ആഇശ(റ) സമീപിക്കുകയല്ലാതെ നിര്വാഹമില്ലെന്ന് മനസ്സിലാക്കുകയും ആഇശ(റ)യുടെ അരികില് ചെന്ന് കാര്യങ്ങള് ബോധിപ്പിച്ചു പുറപ്പെടാന് ആവശ്യപ്പെടുകയും ചെയ്തപ്പോള് പ്രശ്ന ശാന്തിക്ക് പുറപ്പെടലല്ലാതെ വഴിയില്ലെന്ന് മനസ്സിലാക്കി മഹതി പുറപ്പെട്ടു. വീട്ടില് അടങ്ങിയൊതുങ്ങി ഇരിക്കാനുള്ള കല്പ്പനയെക്കാള് കുഴപ്പം അവസാനിപ്പിക്കാനുള്ള കല്പ്പനക്ക് മുന്ഗണന നല്കുകയായിരുന്നു മഹതി. യുദ്ധത്തിന് പുറപ്പെട്ടതായിരുന്നില്ല. എങ്കിലും ഖുര്ആനിന്റെ അടങ്ങിയൊതുങ്ങിയിരിക്കാനുള്ള കല്പ്പന ആ സൂക്തമോതുമ്പോള് ഓര്മ വരുന്നത് കൊണ്ടായിരുന്നു അവിടുന്ന് കരഞ്ഞിരുന്നത്” (ഇമാം ഖുര്ത്വുബി(റ)യുടെ അല് ജാമിഉ ലി അഹ്കാമില് ഖുര്ആന് 14/118).
ഇത്രയും വിശദീകരിച്ചതില് നിന്ന് ഈ സംഭവം ആസ്പദമാക്കി സ്ത്രീകള്ക്ക് പ്രസംഗത്തിനും മറ്റും പോകാമെന്ന് പറയുന്നത് അജ്ഞതയാണെന്ന് വ്യക്തമായി.
RELATED ARTICLE