ചോദ്യം: നിസ്കാരത്തില് തക്ബീറതുല് ഇഹ്റാം ചൊല്ലി വലതു കൈ കൊണ്ട് ഇടതുകയ്യിന്റെ കൂഅ് പിടിക്കണമെന്ന് എല്ലാ ഫിഖ്ഹീ കിതാബുകളിലും കാണുന്നു. ‘അല് ഫറാഇദ്’ അറബി മലയാള നിഘണ്ടുവില് കൈമുട്ട്, മുട്ടുകൈ എന്നിങ്ങനെയാണ് അര്ഥം കൊടുത്തിരിക്കുന്നത്. ഇതനുസരിച്ച് തക്ബീര് ചൊല്ലിയ ശേഷം കൈമുട്ടിന്മേല് പിടിക്കണമെന്നല്ലേ വരിക? വിശദീകരിച്ചാലും.
ഉത്തരം: കൂഅ് എന്ന പദത്തിന് മുട്ടുംകൈ, കൈമുട്ട് എന്ന അര്ഥം അല് ഫറാഇദ് പേജ് 445ല് കൊടുത്തിട്ടുണ്ടെന്നത് ശരിയാണ്. പക്ഷേ, ഈ അര്ഥം രണ്ടാമതായാണ് കൊടുത്തിട്ടുള്ളത്. ആദ്യം കൊടുത്ത അര്ഥം പ്രകോഷ്ഠാസ്ഥിയുടെ അഗ്രം എന്നാണ്. പ്രകോ ഷ്ഠം എന്ന പദത്തിന് പഞ്ച മഹാ നിഘണ്ടു 5/401ല് കൈതണ്ട എന്ന അര്ഥം കാണാം. എന്.ബി.എസ്സിന്റെ ശബ്ദതാരാവലിയിലും കൈതണ്ട എന്ന അര്ഥം കാണാം. അല് ഫറാഇദില് ആദ്യം കൊടുത്ത അര്ഥം ചോദ്യകര്ത്താവ് ഗ്രഹിച്ചിട്ടില്ലായിരിക്കണം. അപ്പോള് ഫിഖ്ഹീ കിതാബുകള് കൊണ്ട് കൈമുട്ടില് പിടിക്കണമെന്ന് വരുന്നില്ല.
RELATED ARTICLE